Сайт тест режимида ишламоқда.
Телефонлар:
(0372) 312-21-11
(0372) 312-14-44
» » Мирзачўл тумани ҳокими ўринбосари, маҳалла ва оилани қўллаб-қувватлаш бўлими бошлиғи

Мирзачўл тумани ҳокими ўринбосари, маҳалла ва оилани қўллаб-қувватлаш бўлими бошлиғи

24 февраль 2020 йил
332
0

Равуфова Сарвиноз Ахмад қизи

2020 йил 24 фералдан Мирзачўл тумани ҳокимининг ўринбосари, маҳалла ва оилани қўллаб-қувватлаш бўлими бошлиғи.

1981 йилда Жиззах вилояти Арнасой туманида таваллуд топган. Миллати ўзбек, маълумоти олий. 2003 йилда Жиззах давлат педагогика институтини тамомлаган. Мутахассислиги бошланғич таълим методикаси ва тарбиявий ишлари. Оилали, 3 нафар фарзанди бор.

МЕҲНАТ ФАОЛИЯТИ

1999-2003 йй. - Арнасой тумани 20-мактаб ўқитувчиси

2003-2005 йй. - Дўстлик тумани 14-мактаб ўқитувчиси

2005-2009 йй. - Дўстлик тумани халқ таълими бўлими услубчиси, етакчи мутахассиси, 13-мактаб ўқитувчиси

2010-2011 йй. - Жиззах вилояти “Қалб нури” аёллар ва уларнинг оилаларига ижтимоий-ҳуқуқий ёрдам кўрсатиш маркази психологи

2011-2011 йй. - Жиззах тумани халқ таълими бўлими сектор мудири

2011-2017 йй. - Жиззах вилояти ҳокимининг ўринбосари, хотин-қизлар қўмитаси раиси котибиятининг бош мутахассиси

2017-2019 йй. - Жиззах вилояти ҳокимининг ўринбосари, хотин-қизлар қўмитаси раиси котибиятининг мудири

2019-2020 йй. - Жиззах вилояти Мирзачўл тумани ҳокимининг ўринбосари, хотин-қизлар қўмитаси раиси

2020 й. ҳ.в.      - Жиззах вилояти Мирзачўл тумани ҳокимининг ўринбосари, маҳалла ва оилани қўллаб-қувватлаш бўлими бошлиғи

Туман ҳокимининг ўринбосари - маҳалла ва оилани қўллаб-қувватлаш бўлими бошлиғи

Ўзбекистон Республикаси Президентининг 2020 йил 18 февралдаги “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги ПФ-5938-сон Фармони ва “Ўзбекистон Республикаси Маҳалла ва оилани қўллаб қувватлаш вазирлиги фаолиятини ташкил этиш тўғрисида”ги ПҚ-4602-сон қарорига мувофиқ туман ҳокимининг ўринбосари - маҳалла ва оилани қўллаб-қувватлаш бўлими  қуйидаги вазифаларни амалга оширади:

хотин-қизларни қўллаб-қувватлашга доир давлат сиёсатининг самарали ижросини таъминлаш, уларнинг ҳуқуқлари ва қонуний манфаатларини ҳимоя қилиш ҳамда уларнинг мамлакатнинг ижтимоий-сиёсий ҳаётида роли ва фаоллигини ошириш;

хотин-қизларнинг муаммоларини ўз вақтида аниқлаш, ёрдамга муҳтож бўлган ва оғир ижтимоий аҳволга тушиб қолган хотин-қизларнинг, 
шу жумладан, ногиронлиги бўлган аёлларнинг манзилли рўйхатларини тузиш, уларга ижтимоий-ҳуқуқий, психологик ва моддий ёрдам кўрсатиш;

хотин-қизлар бандлигини таъминлаш, меҳнат шароитларини яхшилаш, хотин-қизларни, айниқса қишлоқ жойлардаги ёш қизларни оилавий ва хусусий тадбиркорликка, ҳунармандчиликка кенг жалб этиш масалаларида ҳар томонлама манзилли қўллаб-қувватлаш;

хотин-қизлар ўртасида ҳуқуқбузарликларнинг барвақт олдини олиш, биринчи навбатда, ҳуқуқбузарликка мойиллиги бўлганлар билан якка тартибда иш олиб бориш ҳамда жазони ижро этиш муассасаларидан озод қилинган хотин-қизларнинг ижтимоий реабилитацияси ва мослашиши бўйича чора-тадбирларни амалга оширишда давлат органлари ва фуқаролик жамияти институтлари билан яқин ҳамкорликни таъминлаш;

ФҲДЁ органларини, уларнинг никоҳ муносабатларига оид актларини расмийлаштириш, оила институтини мустаҳкамлаш, оилавий ажрашишларнинг олдини олиш билан боғлиқ бўлган асосий фаолият йўналишини назорат қилиш.

Туман ҳокимининг ўринбосари, маҳалла ва оилани қўллаб-қувватлаш бўлими бошлиғи бошчилигидаги вилоят комиссиялари:

1. Зулфия номидаги Давлат мукофоти вилоят комиссияси (Ўзбекистон Республикаси Президентининг 1999 йил 10 июндаги ПФ-2326-сон Фармони);

2. Ўзбекистон Республикаси Мудофаа вазирлиги ҳузуридаги Жамоатчилик кенгаши ҳудудий бўлинмаси раиси (Ўзбекистон Республикаси Президентининг 2018 йил 23 августдаги ПҚ-3234-сонли қарори);

3.Ўзбекистон Республикаси Президентининг 2018 йил 2 февралдаги “Хотин-қизларни қўллаб-қувватлаш ва оилаинститутини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги ПФ-5325-сонли Фармони ижросини таъминлаш ва бу борада амалга ошириладиган ишларни мувофиқлаштириш бўйича туман ишчи гуруҳи(Ўзбекистон Республикаси Вазирлар Маҳкамасининг 2018 йил 5 февралдаги 87-ф сонли фармойиши).

5. “Мўътабар аёл” кўкрак нишони билан тақдирлашга оид таклифларни кўриб чиқиш бўйича туман комиссия (Ўзбекистон Республикаси Вазирлар Маҳкамасининг 2018 йил 2 апрелдаги 257-сон қарори).

Қуйидаги туман ташкилотлари фаолиятини мувофиқлаштириш:

1. Туман маҳалла ва оилани қўллаб қувватлаш бўлими  

2. “Соғлом авлод учун” хайрия жамоат фонди туман филиали;

3. “Тадбиркор аёл” уюшмаси туман бўлими;

4. туман ФҲДЁ бўлими

5. ҚФЙ, МФЙ ва ШФЙлар;

Қуйидаги ташкилотларнинг тегишли фаолият йўналиши бўйича ишини мувофиқлаштириш:

1. Мирзачўл туман тиббиёт бирлашмаси (репродуктив саломатликни мустаҳкамлаш, оналар ва перинатал касалликларнинг ва ўлим ҳолатларининг олдини олиш бўйича аҳолининг билими ва санитарияга оид маданиятини оширишга қаратилган тадбирларни, шунингдек оилавий поликлиникалар ва қишлоқ врачлик пунктлари тузилмаларида ўсмир қизлар ва фертиль ёшидаги аёллар учун “Аёллар маслаҳатхоналари”ни ташкил этиш, ногиронлиги бўлган аёлларнинг ижтимоий реаблитациясини таъминлаш);

2. Мирзачўл  туман бандлик ва меҳнат муносабатлари бўлими (бандликни таъминлаш, меҳнат шароитларини яхшилаш масалаларида хотин-қизларни ҳар томонлама манзилли қўллаб-қувватлаш, хотин-қизларни, айниқса, қишлоқ жойлардаги ёш қизларни оилавий ва хусусий тадбиркорликка, ҳунармандчиликка кенг жалб этиш).

3. Мирзачўл  тумандаги таълим муассасалари (хотин-қизларни қўллаб-қувватлашга доир давлат сиёсатининг самарали ижросини таъминлаш, уларнинг ҳуқуқлари ва қонуний манфаатларини ҳимоя қилиш ҳамда уларнинг мамлакатнинг ижтимоий-сиёсий ҳаётида роли ва фаоллигини ошириш,бошланғич хотин-қизлар кўмитаси ташкилотлари фаолиятини мувофиқлаштириш).

4. Фуқароларнинг ўзини-ўзи бошқариш органлари фаолиятини мувофиқлаштириш бўйича туман кенгаши (хотин-қизлар ўртасида ҳуқуқбузарликларнинг барвақт олдини олиш, биринчи навбатда, ҳуқуқбузарликка мойиллиги бўлганлар билан якка тартибда иш олиб бориш ҳамда жазони ижро этиш муассасаларидан озод қилинган хотин-қизларнинг ижтимоий реабилитацияси ва мослашиши бўйича чора-тадбирларни амалга ошириш).

скачать dle 12.0
Муҳокамага қўшилинг
Фикр билдириш
Изоҳлар (0)
Фикр билдириш
Кликните на изображение чтобы обновить код, если он неразборчив
Фойдали ҳаволалар