Телефонлар:
(0372) 312-21-11
(0372) 312-14-44
» » МИРЗАЧЎЛДА ДХХ РАИСИ КУБОГИ МУСОБАҚАЛАРИ ДАВОМ ЭТМОҚДА

МИРЗАЧЎЛДА ДХХ РАИСИ КУБОГИ МУСОБАҚАЛАРИ ДАВОМ ЭТМОҚДА

13 апрель 2022 йил
503
0

Ёшларга оид давлат сиёсатини амалга оширишда Давлат хавфсизлик хизмати ҳам фаол иштирок этиб келмоқда.

Хусусан, Мирзачўл туманида ҳам Давлат хавфсизлик хизмати Жиззах вилояти бошқармаси бошлиғи кубоги учун 16-30 ёшлар оралиғидаги ёшларни ўзида қамраб олган футбол ва минифутбол беллашувларига старт берилган эди. Мусобақаларнинг биринчи босқичи жорий йилнинг апрель-май, иккинчи босқичи июнь-июль ойларида ҳамда учинчи финал босқичи августь ойида ўтказилиши режалаштирилган.

Уюшмаган, кам таъминланган ва айни пайтда ишсиз ёшлар ўртасида жисмоний тарбия ва спортни, шунингдек, аҳоли ўртасида соғлом турмуш тарзини кенг тарғиб қилиш, ёшларни жисмоний тарбия ва спорт билан мунтазам шуғулланишига, хусусан, спортнинг мини-футбол ва футбол  турларини ёшлар орасида оммалаштириш, иқтидорли спортчиларни эрта аниқлаш мақсадида старт олган мазкур  ДХХ кубоги саралаш мусобақаси дастлаб, тумандаги 4та сектор кесимида  12 та  маҳалла ёшларидан ташкил топган жамоалар ўртасида ҳудудларга бўлинган ҳолда ўзаро куч синашишмоқда. Ғолиб жамоалар туман, вилоят ва республика босқичларида иштирок этишади.

Ёшлар ўртасида ўтказилаётган бугунги кубок баҳсларида ҳам туман маҳаллаларидан жамоалар майдонга тушмоқда.

Эслатиб ўтамиз, вилоят босқичида 1-ўринни эгаллаган жамоалар тегишли ўринни тасдиқловчи кубок, диплом, спорт медаллари, бадиий китоб ва маиший техникалар билан тақдирланади ҳамда ғолиб жамоа маҳалласига “Workout” майдончалари қуриб берилади, ваучер “сертификат” республика босқичининг тақдирлаш маросимида топширилади.

ДХХ кубогида ғолиб бўлган жамоалар маҳалласига мини-футбол майдонлари, 2-ўринга универсал спорт майдони (баскетбол ва волейбол ўйинлари учун мўлжалланган) ва 3-ўринларни эгаллаган жамоалар маҳалласига “Стритбол” (бир саватли кўча баскетболи) спорт майдонларини қуриб берилиши, шунингдек совриндор бўлган (1, 2, З-ўринни эгаллаган) жамоаларни бир ҳафтага Тошкент вилояти, Бўстонлиқ туманидаги Ўзбекистон ёшлар иттифоқи марказий кенгаши таъсисчилигидаги “Шафран” тоғ-курорт комплексида дам олишлари ташкил этилиши таъкидланмоқда.

Шунингдек, ногиронлиги бўлган фуқаролар ўртасида 2022 йилнинг апрель-май ойларида шахмат-шашка мусобақаси ўтказилиши режалаштирилган.

Мирзачўл туман ҳокимлиги
Ахборот хизмати

скачать dle 12.0
Муҳокамага қўшилинг

Тавсия этамиз:

Фикр билдириш
Изоҳлар (0)
Фикр билдириш
Кликните на изображение чтобы обновить код, если он неразборчив
Фойдали ҳаволалар