"Ўзбекистон" қишлоқ фуқаролар йиғини раиси сайланди

Жорий йилнинг 17 май куни Мирзачўл тумани 3-сектор ҳудудидаги "Ўзбекистон" қишлоқ фуқаролар йиғинида жойлашган 11-умумтаълим мактабида "Ўзбекистон" қишлоқ фуқаролар йиғини раиси сайлови Ўзбекистон Республикасининг "Фуқаролар йиғини раиси (оқсоқоли) сайлови тўғрисида"ги қонун талабларига мос равишда ўтказилди.

Маҳалла фуқаролар йиғини раислигига икки нафар номзод қўйилганди. Улар вакиллар олдида ўз дастурларини баён этишди. Саноқ комиссияси томонидан овоз бериш натижалари эълон қилинганда вакилларнинг энг кўп овозини тўплаган Абдукаримова Шохида Усмонжоновна уч йил муддатга "Ўзбекистон" қишлоқ фуқаролар йиғини раиси вазифасига сайланди.