КОРХОНА, ТАШКИЛОТ, МУАССАСАЛАР ХОДИМЛАРИ ЎРТАСИДА "ЗАКОВАТ" ИНТЕЛЛЕКТУАЛ ЎЙИНИ ЎТКАЗИЛДИ
Мирзачўл туманидаги барча корхона, ташкилот ва муассасалар ўртасида 1-сектор худудидаги "Янгидала" маҳалла фуқаролар йиғинидаги 8-умумий ўрта таълим мактабида туман ҳокимлиги ташаббуси билан Ёшлар ишлари агентлиги, Ёшлар иттифоқи туман кенгаши, Маънавият-маърифат бўлими ҳамда қатор ташкилотлар билан биргаликда “Заковат” интеллектуал ўйини бўлиб ўтди.
Турнирда туман ташкилотлари ва ёшларнинг ҳар бири 6 та иштирокчидан иборат бўлган жами 60 га яқин жамоалар иштирок этди.
Ўйин давомида жамоаларга мантиқий ҳамда топишмоқлардан иборат саволлар жамланмаси тақдим этилиб, уларнинг ақл-заковати, мантиқий идроки ва тезкорлиги синовдан ўтказилиб, ғолиблар тақдирланди.
Тадбирда фахрли 1-ўринни "Гулзор" ҚФЙнинг 19-мактаб жамоаси, 2-ўринни Фавқулодда вазиятлар бўлими жамоаси, 3-ўринни Ёшлар ишлари агентлиги туман бўлими ёшлар етакчилари жамоаси эгаллади.
Мирзачўл туман ҳокимлиги
Ахборот хизмати