MIRZACHO‘LDA SUHBAT KOMISSIYA A‘ZOLARINING MALAKASI OSHIRILMOQDA
Mirzacho‘l tumanida ochiq mustaqil tanlovlarni o‘tkazishda ishtirok etadigan davlat organlari va tashkilotlari suhbat komissiyalari a‘zolarining bilim va ko‘nikmalarini yanada oshirish maqsadida seminar-trening tashkil etildi.
Mazkur seminar-treningda 6 ta hududiy davlat organlari va tashkilotlarida suhbat komissiya a‘zolari bo‘lgan mas‘ullar ishtirok etishdi. Seminar-trening davomida ochiq mustaqil tanlovlarning joriy holati, tanlovlarda yuzaga kelayotgan muammo va ularni bartaraf etish choralari, suhbatni to‘g‘ri tashkil etish va uni o‘tkazishda qo‘yilgan talablar to‘g‘risida ma‘lumotlar berildi.
Seminar-treningning ikkinchi qismi interfaol usulda tashkil etildi va berilgan amaliy vazifalar ishtirokchilarda katta qiziqish o‘yg‘otdi.
Seminar-trening yakunida ishtirokchilar o‘zlarining fikr-mulohazalari va takliflarini bildirishdi.
Mirzacho‘l tuman hokimligi
Axborot xizmati