"Пахтазор" шаҳарчасида замонавий фитнес клуб иш бошлади

Мирзачўл тумани 3-сектор худудидаги "Пахтазор" ШФЙ марказида тадбиркор томонидан “Фитнес клуб” фойдаланишга топширилди.

Туман ҳокимлиги ҳамда сектор раҳбари томонидан қўллаб-қувватланиб, кўп йиллардан бери фойдаланилмай келинаётган бинога спорт анжомлари ва бино жиҳозларини сектор раҳбари, ҳоким ёрдамчиси Б.Бабабеков ва махалла хотин-қизлар фаоли Н.Юнусова кўмагида олиб келди.

Натижада ушбу “Фитнес клуб”нинг фаолият бошлаши эвазига 7 нафар “Ёшлар дафтари”да турган йигит-қизларнинг бандлиги таъминланди.

Спорт иншоотининг очилиш маросимида йиғилганлар томонидан давлатимиз раҳбари томонидан илгари сурилган бешта муҳим ташаббус кейинги йилларда ўсиб келаётган ёш авлодни илм-фан, маданият ва санъат, шунингдек, спортга кенг жалб этишда муҳим аҳамият касб этаётгани таъкидланди.

Мирзачўл туман ҳокимлиги
Ахборот хизмати