“Imkonimsan, Barkamol avlod” shiori ostida “Ochiq eshiklar kuni” tadbiri oʻtkazildi

O'quvchi-yoshlarning bo'sh vaqtini mazmunli tashkil etish hamda maktabdan tashqari ta'limni yuqori bosqichga olib chiqish "Barkamol avlod" bolalar maktablarining ustuvor vazifalaridan hisoblanadi.

Shu munosabat bilan 2022-yil 15-sentabr kuni Jizzax viloyati Mirzacho’l tumani Xalq ta’limi bo’limiga qarashli “Barkamol avlod” bolalar maktabi tomonidan "Imkonimsan, Barkamol avlod" shiori ostida "Ochiq eshiklar kuni" tadbiri tashkil etildi.

Tadbirda "Barkamol avlod" maktabining faol o'quvchilari va ota onalari Faxriy yorliq va Tashakkurnomalar bilan taqdirlanishdi.

Tadbirda to'garak a'zolarining mahoratlari bilan tayyorlangan ijodiy ishlar ko'rgazmasi hamda konsert dasturi o'tkazildi.

Maktablardan tashrif buyurgan o'quvchilar qiziqqan yo'nalishdagi to'garaklar bilan tanishib, a'zo boldilar.

Mirzacho’l tumani “Barkamol avlod” bolalar maktabi Axborot xizmati