14 yanvar "Vatan himoyachilari kuni"ga bag'ishlangan teatrlashtirilgan bayram konserti bo'lib o'tdi

Mirzacho'l tumanidagi O'zbek-qozoq madaniyat markazida O‘zbekiston Respublikasi Qurolli Kuchlari tashkil etilganining 31 yilligi va 14 yanvar "Vatan himoyachilari kuni"ga bag'ishlangan teatrlashtirilgan bayram konserti bo'lib o'tdi.

Tadbir tuman Mudofaa bo'limi, "Toshkent" hamda "Yangidala" hududlarida joylashgan chegara postlar harbiy xizmatchilari, Afg'on urushi qatnashchilari, tuman faollari va faxriylar ishtirokida bo‘lib o‘tdi.

Tadbir avvalida tuman hokimligi ma'naviyat ma'rifat markazi rahbari Sh.Abdurahimov yig'ilganlarga tuman hokimining bayram tabrigini o'qib eshittirdi.

Shundan so'ng so'zga chiqqanlar ham bayram bilan barchani muborakbod etdi. Shuningdek, tadbir davomida bir qancha faollarga tuman hokimining tashakkurnoma va esdalik sovg'alari topshirildi.