Uchrashuvda okrug qo‘shinlari qo‘mondoni polkovnik Farrux Ziyabayev, Jizzax viloyati Ichki Ishlar boshqarmasi boshlig‘i general-mayor G‘ayrat Qodirov, viloyat hokimi o‘rinbosari Akmal Sovurboyev , Yoshlar ittifoqi viloyat kengashi raisi Murodbek Rahmonberdiyev hamda yig‘in ishtirokchilari qatnashishdi. 

Unda har bir rahbarlar o‘z xizmat faoliyati, hayotiy tajribalari va yoshlarga berilayotgan imkoniyatlar xususida to‘xtalib, anashunday imkoniyatlar unumli foydalanib yurtimizni dunyoga tanitayotgan yoshlarni misol keltirishdi.

Shuningdek yoshlarga Qurolli Kuchlarda muddatli harbiy xizmatga borish va ishga qolish tartibi, oliy harbiy ta’lim muassasalarining imtiyozlari, shuningdek yurt himoyachilari erishayotgan yutuqlar yuzasidan ma’lumotlar berib o‘tdi.

Ushbu ma’lumotlar esa, yig‘in davomida harbiy xizmatga qolish istagida bo‘lgan yoshlarni shijoatini oshirib ularni yanada ruhlantirdi. Ochiq va samimiy ruhda o‘tkan uchrashuv davomida birin ketin so‘zga chiqqan yoshlar, kasb-xunarga, tartib intizomga, tinchlikni va ota-onasini qadriga yetganligini va harbiy xizmatga qiziqishi ortganligini takidlab, buning barchasi uchun Davlatimiz rahbariga minnatdorchilik bildirishdi va kelajakdagi rejalarini so‘zlab berishdi. 

Uchrashuvda yoshlarning murojaatlari ham tinglandi va qo‘mondon milliy armiyamiz saflarida xizmat qilish istagini bildirgan yoshlarga imkoniyat berdi hamda yakunda “Umumiy harbiy majburiyat va harbiy xizmat to‘grisida”gi qonunga muvofiq harbiy guvohnoma olish istagi bilan murojaat qilgan paxtakorlik Akmal Yuldashov, forishlik Jamshid Elmurodov hamda Jizzax shahrida istiqomat qiluvchi Hayotbek Orzuqulovlarga harbiy guvohnomlarni tantanali topshirdi.