1-maktabda ma'naviy-ma'rifiy tadbir o‘tkazildi

Bugun 4 aprel kuni Mirzacho'l tumani "Do'stlik" mahallasida joylashgan 1-umumta'lim maktabida o‘quvchilar ongida milliy qadriyatlarimizni ulug‘lash va ardoqlash tuyg‘usini tarbiyalash, ularning ilm olishga bo'lgan intilish va qiziqishlarini yanada rag'batlantirish maqsadida “Ilmdan o'zga najot yo'q” mavzusida ma'naviy-ma'rifiy tadbir tashkil etildi.

Tuman hokimligi, Respublika Ma’naviyat va Ma’rifat markazi tuman bo‘limi, 1- umumta’lim maktabi hamkorlikda o'tkazilgan tadbirda so‘zga chiqqanlar bugun mamlakatimizda olib borilayotgan insonparvar islohotlar, xususan, yoshlarni har tomonlama qo‘llab-quvvatlash borasida ko‘rilayotgan choralar va ularning natijadorligiga qaratilgan maqsadli vazifalar to‘g‘risida so‘z yuritishdi.

Bu kabi tadbirlar yoshlarni kelakakka yetuklikka tayyorlash bilan birgalikda vatanparvarlik ruhida tarbiyalashga xizmat qiladi.