UZ-QISH MAVSUMIDA IS GAZIDAN ZAHARLANISH VA YONG‘INLARNING OLDINI OLISH BO‘YICHA TARG‘IBOT TADBIRLARI OLIB BORILAYAPTI

Mirzacho‘l tumani favqulotda vaziyatlar bo‘limi xodimlari mahallalarda aholi xonadonlarini 2024 – 2025-yillar kuz-qish mavsumiga tayyorgarligini o‘rganish, kuz-qish mavsumida is gazidan zaharlanishning oldini olish, turli yong‘inlar va ko‘ngilsiz hodisalarning oldini olish maqsadida targ‘ibot tushuntirish ishlarini olib borishmoqda.

Targ‘ibot tadbirlari davomida aholi xonadonlaridagi isitish pechlari va moslamalari, ularning dudburunlari ko‘zdan kechirilyapti. Aniqlangan kamchiliklar bo‘yicha xonadon egalariga tegishli ko‘rsatmalar berilayapti.

Shuningdek, aholi o‘rtasida is gazidan zaharlanish, turli yong‘in va ko‘ngilsiz hodisalarning oldini olish bo‘yicha tushuntirish targ‘ibot ishlari olib borilayapti.

Shu bilan birga turli targ‘ibot materiallari ham tarqatilmoqda.