“YASHIL MAKON” UMUMMILLIY LOYIHASI DOIRASIDA KO‘CHAT EKISH ISHLARI AMALGA OSHIRILMOQDA

Mirzacho'l tumanida “Yashil makon” umummilliy loyihasi doirasida ko‘chat ekish ishlari tumanning barcha hududlarida amalga oshirilmoqda.

Ko‘chat ekish ishlarida tumandagi korxona, tashkilot, muassasalar xodimlari, tuman markaziga yaqin hududdagi mahallalar aholisi ixtiyoriy ravishda ishtirok etishib,  obodlikka o'z hissalarini qo'shishmoqda.

Bugun Mirzacho'l Agrosanoat texnikumi faollari tomonidan texnikum hovlisiga mevali va manzarali daraxt ko‘chatlari, tok ko‘chatlari ekildi.

Ayni kunda tumanda “Yashil makon” umummilliy loyihasining kuzgi mavsumi doirasida “Yangi O‘zbekiston – yashil makonda birga yashaylik!” shiori ostida ko‘chat ekish ishlari olib borilmoqda.

Mirzacho'l tuman hokimligi
axborot xizmati