Yoqilg‘i - energiya resurslaridan foydalanish ustidan davlat nazorati muntazam amalga oshirilib kelinmoqda

Mirzacho‘l tuman prokurori, 2-sektor rahbari A.Sakiyev tomonidan viloyat Elektr tarmoqlari korxonasi vakillari, tuman TET rahbari F.Raxmonovlar bilan birgalikda “Mirzadala” mahallasida mutasaddi rahbarlar ishtirokida aholi bilan uchrashuv o‘tkazildi.  

Uchrashuvda, energiya resurslaridan oqilona foydalanish samaradorligini oshirish va tejamkorlikni ta’minlash, to‘lov intizomini shakllantirish, elektr energiyasidan noqonuniy foydalanmaslik, elektr energiyasi tariflaridagi o‘zgarishlar hamda quyosh panellarini o‘rnatish va uning qulayliklari yuzasidan alohida to‘xtalib, qonuniy tushuntirishlar berildi.

Tegishli mas'ullarga energetika sohasi ob'yektlarining kuz-qish mavsumida barqaror ishlashini ta’minlash, mahallabay ishlash bo‘yicha zarur topshiriqlar berildi.