МИРЗАЧЎЛ: БИЛИМЛАР САРИ ЧОРЛАР БИРИНЧИ ҚЎНҒИРОҚ
Атроф тилларанг тусга кириб, табиатнинг яна бир фасли – олтин куз кириб келди, ёз бўйи мириқиб дам олган ўғил-қизлар яна мактаб томон йўл олишди.
Бешинчи сентябрь – Билимлар куни ўқувчиларни ўз бағрига чорлади. Бошланган янги ўқув йилида Мирзачўл тумани мактабларининг 1-синфларига 997 нафар ўқувчи қабул қилинди.
Барча таълим муассасалари сингари 8- умумтаълим мактабида ҳам янги ўқув йилининг бошланиши – Билимлар куни тадбири "Янги Ўзбекистонда эл азиз, инсон азиз!" шиори остида бўлиб ўтди.
Янгидала ҚФЙ, 1-сектор ҳудудидаги 8-умумтаълим мактабида бўлиб ўтган "Биринчи қўнғироқ" тадбирида, Мирзачўл тумани ҳокими, 1-сектор раҳбари Шерзод Аҳмедов иштирок этди ҳамда ўз табригини йўллади.
402 нафар ўқувчи таҳсил олаётган мактабнинг 1-синфларига бу йил 49 нафар жажжи ўғил-қизлар қабул қилинди.
Маълумот ўрнида, Мирзачўл туманидаги барча мактаблар ўз бағрига 9400 нафар ўқувчини қабул қилди.
Мирзачўл тумани ҳокимлиги
Матбуот хизмати