Жиззах вилояти Мирзачўл туманида 2024 йил 1 мавсумда "Ташаббусли бюджет" лойиҳаси бўйича ғолиб бўлган таклифлар бўйича М А Ъ Л У М О Т

Мирзачўл тумани “Фуқаролар ташаббуси жамғармаси” маблағлари ҳисобидан “Очиқ бюджет” ахборот портали орқали 2024 йил биринчи босқичида энг кўп овоз тўплаб ғолиб деб топилган таклифлар учун маблағлар ажратиш тўғрисида

           Ўзбекистон Республикаси Президентининг 2021 йил 13 апрелдаги ПҚ-5072-сонли ва 2023 йил 10 апрелдаги ПҚ-117 сонли қарорлари ҳамда Олий Мажлиси Сенатининг 2024 йил 30 январдаги КҚ-666-IV-сон ва Халқ депутатлари Мирзачўл туман Кенгашининг 2024 йил 24 февралдаги VI-58-26-3-51-К/24-қарорлари ижросини таъминлаш мақсадида туман иқтисодиёт ва молия бўлими бошлиғи в.б З.Ўзбековнинг билдиргисини инобатга олиб, Халқ депутатлари Мирзачўл туман Кенгаши “Фуқаролар ташаббуси жамғармаси” маблағлари ҳисобидан “Очиқ бюджет” ахборот портали орқали энг кўп овоз тўплаб ғолиб деб топилган таклифларни кўриб чиқиб, Ўзбекистон Республикаси “Маҳаллий давлат ҳокимияти тўғрисида”ги қонуннинг 6, 24-моддасига асосан Халқ депутатлари Мирзачўл туман Кенгаши

                                               Қ А Р О Р   Қ И Л А Д И:

1. “Фуқаролар ташаббуси жамғармаси” маблағлари ҳисобидан, жорий йил 1 февралдан 22 февралга қадар openbudget.uz веб сайти орқали мавжуд маҳаллий муаммоларни бартараф этиш мақсадида туманда истиқомат қилувчилар учун аҳамиятга эга бўлган жами 99 та таклифлар билдирилганлиги;

-22 февралдан 16 мартга қадар таклифларнинг барчаси модерациядан ўтказилиб натижада 95 та ташаббус овоз бериш учун қабул қилинганлиги;

-4 та ташаббус турли хил сабабларга кўра рад этилиб, 16 мартдан 04 апрелга қадар 95 та ташаббус овоз бериш жараёнида иштирок этганлиги ҳамда якунда 10 та ташаббус энг кўп овоз тўплаб ғолиб бўлганлиги, жамғармада 12 565 981 (ўн икки миллиард беш юз олтмиш беш миллион тўққиз юз саксон бир минг) минг сўм маблағ шаклланганлиги маълумот учун қабул қилинсин.

2. “Очиқ бюджет” ахборот портали орқали энг кўп овоз тўплаган 10 та таклифлар:

-1375 та овоз билан 1-ўрин учун Мирзачўл тумани Мустақиллик МФЙда худудида жойлашган туман тиббиёт бирлашмасининг моддий техник базасини мустаҳкамлаш учун 1 329 300 минг.сўм (ID 032318403004) буюртмачи – Мирзачўл туман тиббиёт бирлашмаси (КТМП);

-1016 та овоз билан 2-ўрин учун Мирзачўл тумани Мустақиллик МФЙ худудида жойлашган туман спорт мактабига усти ёпиқ мини футбол майдони қуриш, маъмурият биносини жорий таъмирлаш ва жихозлаш, “Алпомиш” кураш зали ювиниш хонасини жорий таъмирлаш, “Чўлқувар” кураш зали биносини жорий таъмирлаш ва баннерлар билан жихозлаш, Спорт мактабининг ходимлари ва  спортчиларини спорт кийимлари ва спорт анжомлари билан таъминлаш учун 1 360 000 минг.сўм (ID 032312490004) буюртмачи - Жиззах вилоят ҳокимлиги хузуридаги "Ягона буюртмачи хизмати" ИК ДУК;

-1000 та овоз билан 3-ўрин учун Мирзачўл тумани Ипак йўли ҚФЙ худудидаги Мактабгача ва мактаб таълими бўлимига қарашли 4-сон умумтаълим мактабининг иситиш тизимини тўлиқ алмаштириш, эшик ва дераза ромларини замонавий кўринишда янгилаш, маънавият ва ўқитувчилар хоналарини жорий таъмирлаш ҳамда мактабнинг кириш қисмига қоровул хона қуриш учун                1 350 000 минг.сўм (ID 032323365004) буюртмачи – Жиззах вилоят ҳокимлиги хузуридаги "Ягона буюртмачи хизмати" ИК ДУК;

-950 та овоз билан 4-ўрин учун Мирзачўл тумани Янгидала ҚФЙ худудидаги Мактабгача ва мактаб таълими бўлимига қарашли 15-сон умумтаълим мактабининг ташқи ва ички фасад қисмини таъмирлаш, иситиш тизимини тўлиқ алмаштириш ва янги замонавий хожатхона қуриш учун 1 300 000 минг.сўм (ID 032297426004) буюртмачи – Жиззах вилоят ҳокимлиги хузуридаги "Ягона буюртмачи хизмати" ИК ДУК;

-770 та овоз билан 5-ўрин учун Мирзачўл тумани Боғбон ҚФЙга янги замонавий маъмурий биносини қуриш ва бино ичидан кутубхона ташкил қилиш учун 1 300 000 минг.сўм (ID 032321035004) буюртмачи – Жиззах вилоят ҳокимлиги хузуридаги "Ягона буюртмачи хизмати" ИК ДУК;

-727 та овоз билан 6-ўрин учун Мирзачўл тумани Ўзбекистон ҚФЙ худудидаги Мактабгача ва мактаб таълими бўлимига қарашли 11-сон умумтаълим мактабининг моддий техник базасини мустаҳкамлаш учун 652 850 минг.сўм (ID 032329531004) буюртмачи – Мирзачўл туман мактабгача ва мактаб таълими бўлими;

-725 та овоз билан 7-ўрин учун Мирзачўл тумани Пахтазор ШФЙ худудидаги Мактабгача ва мактаб таълими бўлимига қарашли 9-сон умумтаълим мактабининг иситиш тизимини тўлиқ алмаштириш, ўқувчилар устахонасини жорий таъмирлаш, мактаб биносини қисман таъмирлаш ва ён атрофини чегара тўсиқ панжаралари билан ўраш учун 1 350 000 минг.сўм (ID 032297426004) буюртмачи – Жиззах вилоят ҳокимлиги хузуридаги "Ягона буюртмачи хизмати" ИК ДУК;

-617 та овоз билан 8-ўрин учун Мирзачўл тумани Ержар МФЙ худудидаги Мактабгача ва мактаб таълими бўлимига қарашли 3-сон давлат мактабгача таълим ташкилотининг иккинчи биносини капитал таъмирлаш, биринчи бинони иккинчи бинога қўшиш ва ошхонани биринчи бинога қўшиш учун 1 360 000 минг.сўм (ID 032312244004) буюртмачи – Жиззах вилоят ҳокимлиги хузуридаги "Ягона буюртмачи хизмати" ИК ДУК;

-603 та овоз билан 9-ўрин учун Мирзачўл тумани Мирзадала ШФЙ худудидаги Мактабгача ва мактаб таълими бўлимига қарашли 5-сон умумтаълим мактабининг моддий техник базасини мустаҳкамлаш учун 471 770 минг.сўм (ID 032321953004) буюртмачи – Мирзачўл туман мактабгача ва мактаб таълими бўлими;

-355 та овоз билан 10-ўрин учун Мирзачўл тумани Ержар МФЙ ҚФЙга янги замонавий маъмурий биносини қуриш ва бино ичидан кутубхона ташкил қилиш учун 1 350 000 минг.сўм  (ID 032320769004) буюртмачи – Жиззах вилоят ҳокимлиги хузуридаги "Ягона буюртмачи хизмати" ИК ДУК;

3. Ғолиб таклифларни молиялаштириш манзилли рўйхати шакллантирилсин.
4. Харажатларни амалга оширишга масъул ташкилотлар раҳбарларига:

-          ажратилган маблағлар доирасида белгиланган тартибда тўловларни амалга ошириш;

-молиялаштириш манбаасини очиш учун ўрнатилган тартибда расмийлаштирилган ҳужжатларни туман иқтисодиёт ва молия бўлими ва туман ғазначилик хизмати бўлимига тақдим этиш;

-ажратилган маблағлардан мақсадли ва самарали фойдаланишини таъминлаш;

-буюртмачи ташкилотлар ушбу ғолиб бўлган таклифлар тўлиқ молиялаштирилиб бўлингандан сўнг (касса харажатидан) ортган маблағ Мирзачўл туман ҳокимлиги ҳузуридаги фуқаролар ташаббуси жамғармаси шахсий ғазна хисоб варағига тўлиқ қайтариш вазифаси юклатилсин.

5. Туман ҳокимлиги бош хисобчиси (Қ.Хурлиев)га ғолиб деб топилган таклифларга фуқаролар ташаббуси жамғармасидан иловада келтирилган амалга оширишнинг аниқланган қиймати миқдорида маблағ ажратиш вазифаси юклатилсин.
6. Туман иқтисодиёт ва молия бўлими бошлиғи в.б (З.Ўзбеков)га бюджет харажатлар режасига белгиланган тартибда тегишли ўзгартиришлар киритиш, туман ғазначилик хизмати бўлими бошлиғи (А.Суванқулов)га тўловларни ўрнатилган тартибда ва ўз вақтида амалга ошириш ва ушбу маблағларнинг бошқа мақсадларга йўналтиришга йўл қўймаслик топширилсин.
7. Мазкур қарор ижросининг назорати Халқ депутатлари туман Кенгашининг маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси ҳамда туман ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари Ж.Сатторов зиммасига юклатилсин.
8. Мазкур қарор қабул қилинган кундан эътиборан кучга киради.