Пенсияга чиқишимда имтиёз борми!

Тақдир экан, икки фарзандим болаликдан ногирон. Бошқа фарзанд кўрмадик. Болаликдан ногиронлиги бўлган болаларни тарбиялаган онадарга пенсияга чиқишда имтиёзлар борми?

Бундай норма қонунчиликда мавжуд. “Фуқароларнинг давлат пенсия таъминоти тўғрисда”ги қонунининг 12-моддасида болаликдан ногиронлиги бўлган фарзандларнинг оналари уларни саккиз ёшигача тарбиялаган бўлса – иш стажи камида 20 йил бўлган тақдирда умумий белгиланган 55 ёшдан эмас, бошқаларга қараганда имтиёзлилироқ, яъни 50 ёшдан пенсияга чиқиши мумкинлиги кўрсатилган. Болаликдан ногиронлиги бўлган болаларни камида 8 йил тарбиялаган оналар пенсияга бошқалардан 5 йил олдин чиқиши мумкин, фақат 50 ёшга тўлгунига қадар камида 20 йиллик меҳнат стажи бўлиши керак.

Пахтакор туман адлия бўлими

юридик хизмат кўрсатиш маркази бошлиғи