ТОМОРҚА ДАРОМАД МАНБАИ
Халқимиз азалдан ерга меҳр бериб, нафақат ўз рўзғорини, балки эл-юрт дастурхонини ҳам тўкин қилиб келган. Томорқага берилган “кони фойда”, “даромад манбаи”, “етти хазинанинг бири” каби таърифлар бежиз айтилмаган.
Мирзачўл тумани “Боғбон” маҳалласида яшовчи Юнус Ваҳобов томорқасида иссиқхона қуриб, бодринг етиштиришни йўлга қўйди.
– Оила фаровонлиги, дастурхон тўкинлиги, рўзғор кам-кўстини тўлдиришда томорқадан олинаётган даромаднинг ўрни беқиёс экан, – дейди Юнус Ваҳобов. – Экин экилдими, албатта рўзғорга барака энади, инсон қандай касб билан шуғулланмасин, унга меҳр қўйиб, ишини севса, муваффақиятга эришиб, даромади ҳам ошиб бораверади.
Маҳаллаларда юртбошимиз ташаббуси билан ташкил этилган ҳоким ёрдамчилари мана шундай тадбиркорлик истагида бўлганларни ҳар томонлама қўллаб-қувватлаб, давлатимиз томонидан берилаётган имтиёзлар, шарт-шароитлардан унумли фойдаланиб, ишларини йўлга қўйиб олишларида ҳар томонлама кўмак кўрсатишмоқда.
