РАСМИЙ МУНОСАБАТ

Ижтимоий тармоқларда: “Пахта заводидан чиқаётган чанг назоратга олиндими?” мазмунида чиққан мурожаат ўрганиб чиқилди.
Фуқаролар мурожаатида туман ҳудудида жойлашган  “Мирзачўл агрокластер гроуп” МЧЖга қарашли пахта тозалаш корхонаси фаолияти жараёнида ҳосил бўладиган атроф-муҳитга  чиқараётган чанг ҳолати ҳақида баён этилган.
Аниқланишича, жорий йилнинг 23 февраль куни “Мирзачўл агрокластер гроуп” МЧЖ томонидан берилган “Атроф-муҳитга таъсир тўғрисидаги ариза”га биноан Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги давлат экологик экспертизаси маркази  томонидан 01-02/1-05-1-сонли Давлат экологик экспертизаси хулосаси берилган бўлиб, хулосада Ўзбекистон Республикаси Вазирлар Маҳкамасининг 2020-йил 7-сентябрдаги 541-сон қарори билан тасдиқланган 1-иловага мувофиқ, ушбу давлат экологик экспертизаси обекти атроф-муҳитга таъсир кўрсатишнинг II тоифасининг 30–бандига мансублиги қайд этилган ва Ижобий хулоса берилган.