Ҳунармандчилик фаолияти янада кенгайтирилмоқда

Юртимизда миллий ҳунармандчиликни ривожлантириш, ҳар томонлама қўллаб-қувватлаш бўйича амалга оширилаётган комплекс чора-тадбирлар натижасида ҳунармандлар сони йилдан йилга кўпаймоқда

Мирзачўл туманида ҳунармандчилик фаолиятини янада кенгайтирилиб, мавжуд имкониятлардан фойдаланишга, аҳолининг бандлигини таъминлаш, даромадларини ошириш ҳамда "устоз-шогирд" анъаналарини давом эттиришга алоҳида эътибор қаратиб келинмоқда. Бу эса халқ фаровонлигига эришишга муносиб ҳисса бўлиб қўшилади

Бугун мана шу маҳаллаларда ҳунармандчиликнинг турли йўналишларида фаол меҳнат қилувчи ҳамда соҳага қизиқиш билдирган хотин-қизлар иштирокида семинар ўтказилди.

Семинар сўнгида Жиззах вилоят Тадбиркорлик маркази фаоллари билан биргаликда хотин-қизларимизга сертификатлар топширилди. Бу уларнинг янада ишонч билан самарали фаолият юритишида,  юқори сифатли ҳунармандчилик маҳсулотларини халқимизга етказиб беришида муҳим омил бўлади деб ўйлаймиз.