ҲАШАР МИРЗАЧЎЛЛИКЛАРГА ЯРАШАР

Мирзачўл туманида бугун ҳар бир маҳаллада ободонлаштириш ва кўкаламзорлаштириш ишлари олиб борилмоқда.

Бугун эрта тонгдан туман ҳокими бошчилигида тумандаги идора ва ташкилот раҳбарлари, маҳалла раислари, ҳоким ёрдамчилари, хотин-қизлар фаоллари, ёшлар етакчилари билан биргаликда Мустақиллигимизнинг 31 йиллигига муносиб тайёргарлик кўриш мақсадида бириктирилган ҳудудларида бўлиб, аҳоли хонадонларини бирма-бир айланмоқда, уйма-уй юриш пайтида аҳоли билан томорқадан самарали фойдаланиш, хонадонларни ободонлаштириш юзасидан ҳам тавсиялар беряпти.

Бир мушт бўлиб, ҳамжиҳатликда қилинган ҳатти-ҳаракат туманимизни энг тоза ҳудудга айлантиришда асосий омил бўлиб қолади.

Ҳурматли тумандошлар! Келинг белни-белга боғлаб, Мирзачўлни тоза ҳудудга айлантирайлик! Ҳар биримиз хонадонимизни, кўчамизни, маҳалламизни обод қилишда ўз ҳиссамизни қўшайлик!

С.Бойматов
Маҳалла ва нуронийларни қўллаб-қувватлаш бўлими бошлиғи